Айсен Николаев Россия айылҕа ресурсаларыгар уонна экологияҕа миниистирин кытта көрсүөҕэ

Бүгүн, атырдьах ыйын 4 күнүгэр, Ил Дархан Айсен Николаев Россия айылҕа ресурсаларыгар уонна экологияҕа миниистирин Александр Козлову кытта көрсүөҕэ. Бу туһунан СӨ бырабыыталыстыбатын уонна баһылыгын дьаһалтатын пресс-сулууспата иһитиннэрэр.

Саха сирин баһылыга Москва куоракка үлэтинэн биир күннээх командировкаҕа баар. Бу туһунан кини пресс-сэкирэтээрэ Афанасий Ноев иһитиннэрэр.

Бүгүн, Айсен Николаев «ДОМ.РФ» Акционернай уопсастыба генеральнай дириэктэрин Виталий Муткону кытта көрсүөҕэ, ону тэҥэ «ДОМ.РФ» АУо уонна өрөспүүбүлүкэ бииргэ үлэлэһиилэрин туһунан сөбүлэҥи баттаһыахтара.