Дьокуускайга «Алампа» аатынан бириэмийэни туттардылар

Сэтинньи 14 күнэ — Саха уус-уран литературатын төрүттэспит хомоҕой хоһоонньут, талааннаах прозаик уонна драматург Анемподист Софронов-Алампа күн сирин көрбүт күнэ.

Кини үтүө аатын үйэтитэн «Россия — мин устуоруйам» түмэлгэ Саха сиригэр аан бастакынан «Алампа» аатынан бириэмийэни туттарыы үөрүүлээх быһыыга ааста.

Үрдүк чиэскэ өрөспүүбүлүкэ култууратын уонна искусствотын сайдыытыгар таһаарыылаах, өр сыллаах сыралаах үлэлэринэн бэйэлэрин кылааттарын киллэрбит 10  киһи тигистэ:

«Бастыҥ драматургическай айымньы»- Семен Ермолаевка;
«Режиссер» — Андрей Борисов;
«Худуоһунньук» — Эдуард Васильев;
«Киинэ устааччы» — Эдуард Новиков;
«Сыл бастыҥ мецената» — Сардана Саввина;
«Идэҕэ бэринии иһин» — Валентина Семенова;
«Бастыҥ артыыс»- Зоя Багынанова уонна Ефим Степанов;
«Бастыҥ мелодист -композитор» — Владимир Ксенофонтов ;
«Литературнай тыл» — Альбина Борисова.