Алдан оройуонугар суол саахалыгар эмсэҕэлээбит дьон туруктара этэҥҥэ

Алтынньы 5 күнүгэр Алдан оройуонугар «Лена» федеральнай айан суолун 930-с килэмиэтиригэр тахсыбыт суол саахалыгар эмсэҕэлээбит түөрт киһи туруга этэҥҥэ, тастан сылдьан эмтэнии анаммыт. Икки киһи балыыһаҕа киирэртэн аккаастаммыт. Бу туһунан СӨ Доруобуйа харыстабылын министиэристибэтэ иһитиннэрэр.

«Алдан уонна Аллараа Бэстээх икки ардыгар тахсыбыт суол саахалын түмүгэр эмсэҕэлээбит алта киһи Майа сэлиэнньэтин балыыһатыгар тиксэриллибит. Онно кинилэри быраастар көрбүттэр», — диэн тириэрдиллэр.

Быраастар көрүүлэрин түмүгүнэн түөрт киһи туруга этэҥҥэ диэн бэлиэтэммит уонна тастан сылдьан эмтэниигэ ыытыллыбыттар.

Биир киһи балыыһаҕа киирииттэн акаастаммыт.

Алтыс киһи орто туруктаах Мэҥэ хаҥалас улууһун балыыһатыгар киллэриллибит. Ол эрээри бэҕэһээ сарсыарда балыыһаҕа сытартан акаастаммыт уонна Дьокуускайга айаннаабыт.

«Тойота Хайс» массыынаны 1983 сыллаах суоппар ыытан, «Благовещенскай — Дьокуускай» хайысханан такси быһыытынан айаннаан испит. Саахал тахсар кэмигэр массыынаҕа 11 киһи олорсон испит, олортон алта эчэйбит. Эмсэҕэлээбит дьону таарыйа барар массыыналарынан Майа сэлиэнньэтин балыыһатыгар ыыппыттар.