Алдан өрүскэ чаардаабыт паромҥа 40 киһи хаайтарбыт

Томпо улууһугар Алдан өрүскэ чаардаабыт паромҥа 40 киһи уонна 20 массыына хаайтарбыт. Бу туһунан СӨ Ыксаллаах быһыыга-майгыга министиэристибэтин пресс-сулууспата иһитиннэрдэ.

«Алдан өрүс «Мэҥэ Алдан — Кириэс Халдьаайы» туорааһыныгар баарсалаах буксуур редуктора алдьаммыт. Баарсаны арааран дьаакырга туруордулар, буксуур редукторын өрөмүөннүү кытылга таһаарылынна. Саахал тахсар кэмигэр баарсаҕа 40-ча киһи уонна 20 тиэхиньикэ баар эбит», — диэн этиллэр.

Баарса өрүс кытылыттан 100 миэтэрэ ыраах турар. Пассажирдары мотуордаах тыыларынан «Халыма» федеральнай айан суолун саҕаланыытыгар тириэрдэн биэрдилэр. Дьону итии аһынан хааччыйдылар уонна гостиницаҕа олохтуурга соруйдулар. Ким да эчэйбэтэх диэн бэлиэтэнэр.

«Баҕалаах дьону оптуобуһунан Дьокуускай куоракка тиксэрэр боппуруос быһаарыллар. Ону тэҥэ буксууру чаартан хостуурга көмөҕө иккис тягач ыытылынна», — диэн Томпо улууһун биир кэлим диспетчер сулууспата тириэрдэр.