Алдан өрүскэ чаардаабыт парому кытылга таһаара сылдьаллар

Томпо улууһугар Алдан өрүскэ чаардаабыт парому буксуурунан кытылга таһаарар эрэллэр.

«Парому оннуттан хоҥуннардылар. Буксуур баарсаҕа холбосто, билиҥҥи туругунан өрүс кытылыгар таһааран иһэр. Кытылга диэри 200 миэтэрэ кэриҥэ хаалла. 10-15 мүнүүтэнэн кытылга тиэрдиэ, сүөкэниэ, онон үлэлэр түмүктэниэхтэрэ», — диэн Томпо улууһун биир кэлим диспетчер сулууспата иһитиннэрдэ.

Паром алдьамматах. Саахал техническэй дьиэгирииттэн тахсыбыт диэн бэлиэтэнэр.

Оннугар Ыксаллаах быһыы-майгы министиэристибэтин сулууспата, Томпо улууһун биир кэлим диспетчер сулууспата, улуустааҕы ИДьМ салаата уонна нэһилиэк бэрэстэбиитэллэрэ үлэлээтилэр.