Аммалар Россия киинэтин күнүн бэлиэтээтилэр

Аммаҕа Россия киинэтин күнүн маҥнайгытын бэлиэтээтилэр. Тэрээһиҥҥэ Амматтан төрүттээх киинэ режиссердара Дмитрий Давыдов, Степан Бурнашев уонна Евгений Николаев кыттыыны ыллылар. Бу күн Амма улууһугар киинэ сайдыытыгар аналлаах быыстапка туруордулар. Кэлбит дьон Амма киинэтэ салҕыы сайда турарыгар баҕа санааларын анал стендэҕэ суруйан хааллардылар. Элбэх киинэ бэстэбээллэрин кыайыылааҕа буолбут Евгений Николаев «Ку-куу», «Өһүөн» уонна Дмитрий Давыдов «Река» киинэлэрин көрдөрдүлэр.