Археолог Виктор Дьяконов Манчаары башнятын чөлүгэр түһэрии аахсыйатыгар кыттыста

Историческай наука хандьыдаата, Россия наукатын академиятын тылы чинчийэр институтун научнай үлэһитэ, археолог Виктор Дьяконов Мэҥэ Хаҥалас оройуонугар Манчаары башнятын чөлүгэр түһэрии бырайыагын өйөөтө. Бу туһунан СӨ култуура нэһилиэстибэтин харыстыыр департаменын пресс-сулууспата иһитиннэрэр.

Эксперт бырайыак пуондатыгар 25 тыһыынчаны биэрдэ.

Башня Мэҥэ Хаҥалас Майа сэлиэнньэтигэр турар, Саха сирин историятын уонна култууратын биир биллэр, сыаналаах федеральнай суолталаах пааматынньыктарын ахсааныгар киирэр.

Муус устар 18 күнүгэр 15.00 чаастан НВК «Саха» ханаалга XIX үйэтээҕи Манчаары башнятын чөлүгэр түһэриигэ «Биһиги нэһилиэстибэбит. Манчаары башнята» телемарафон саҕаланна.

Телемарафоҥҥа уонна пааматынньыгы чөлүгэр түһэриигэ баҕалаах барыта кыттыан сөп. Үбү-харчыны 89148259808 нүөмэргэ БАШНЯ диэн бэлиэтээн, Баһылай Манчаары аатынан социальнай тэрээһиннэри өйүүр пуонда  40703810301084701504 р/с  ыытыллар. Аахсыйанан ыйытыылары 8 (924) 173-24-92, 8 (924) 460-12-56 төлөпүөнүнэн биэриэххэ сөп.