Бүгүн Ил Түмэн пленарнай мунньаҕа буолуоҕа

Бүгүн, сэтинньи 30 күнүгэр, Ил Түмэн алтыс ыҥырыылаах мунньаҕа буолуоҕа. Бу туһунан Ил Түмэн пресс-сулууспата иһитиннэрэр.

Быһа эпиир олохтоох бириэмэнэн 10:00 чаастан саҕаланыаҕа.

Уопсайа 38 боппуруос көрүллэрэ былааннанар. Ол курдук, каадыр боппуруостара бастакынан көрүллүөхтэрэ: дьокутааттар Вячеслав Куличкин уонна Алексей Ромашов боломуочуйаларын бигэргэтии, Ленскэйгэ, Муомаҕа, Өлүөхүмэҕэ уонна Нерюнгрига мировой судьуйалары талыы.

Дьокутааттар бүддьүөт үбүн туһунан сокуоҥҥа уонна нолуок политикатыгар уларытыылары кытта билсиэхтэрэ, биир кэлим субвенцияны олохтоох бүддьүөккэ биэрэр уратыларын, ОМС территориальнай пуондатын кэлэр сылларга уонна өрөспүүбүлүкэ судаарыстыбаннай бүддьүөтүн бырайыагын бэлэмнээһин боппуруостарын дьүүллэһиэхтэрэ.

Маны таһынан, дьокутааттар элбэх кыбартыыралаах дьиэлэргэ уопсай баай-дуол хапытаалынай өрөмүөнүн, тиийинэн олоруу алын кээмэйин олохтооһун туһунан сокуоҥҥа киириэхтээх уларытыылары көрүөхтэрэ, ыксаллаах быһыыга-майгыга өрөспүүбүлүкэ нэһилиэнньэтин уонна сирин-уотун, гражданнар доруобуйаларын, балыктааһын уонна биологическай ресурсалары харыстааһын туһунан сокуоннары саҥардыахтара.