Бүгүн Казань оскуолатыгар оҕолору ытыалаабыттар

Бүгүн, ыам ыйын 11 күнүгэр Казань куорат 175-с №-дээх оскуолатыгар учууталлары уонна оҕолору ытыалаабыттар. Бу туһунан ТАСС иһитиннэрэр.

Бастакы иһитиннэриинэн, 11 киһи өлбүт, олор истэригэр тоҕус оҕо. 32 киһи эмсэҕэлээбит.

Туоһу дьон тириэрдэллэринэн, саба түһүү кэмигэр эстии буолбут, ол кэнниттэн ытыалааһыы саҕаламмыт. Казань куоракка контртеррористическай эрэһиим биллэрилиннэ.

Быһылаан тахсар түгэнигэр оскуолаҕа 714 оҕо уонна 70 үлэһит баара биллэр.

Ыам ыйын 12 күнэ Татарстан өрөспүүбүлүкэтигэр кутурҕан күнэ биллэрилиннэ.