Бүгүн Саха сиригэр «Тотальнай дьыктаан» ыытыллар

«Тотальнай дьыктаан» аахсыйа Саха сиригэр бүгүн 152 былаһааккаҕа буолуоҕа. Ону таһынан Дьокуускай телебашнята киэһэ 20.00 чаастан кыһыл өҥүнэн сандаарыаҕа.

«Тотальный дьыктаан» муус устар 10 күнүгэр буолар, 2021 сыллаахха Россия куораттарыттан Дьокуускайга буолара быһаарыллыбыта. Аахсыйа сүрүн былаһааккатынан Өксөкүлээх Өлөксөй аатынан норуоттар доҕордоһууларын дьиэтэ буолуоҕа, онно тиэкис ааптара, Россия суруйааччыта Дмитрий Глуховскай, 14:00 чааска «Обещания» айымньытын быһа эпииргэ ааҕыаҕа. 

«Якутия 24» ханаал «Тотальнай дьыктаан-2021» аахсыйаны быһа көрдөрүөҕэ. Араас локациялартан быһа эпиир 13:30 чаастан саҕаланыаҕа уонна олохтоох бириэмэнэн 17:00 чааска диэри буолуоҕа. yk24.ru сайтка эбэтэр НВК «Саха» мобильнай сыһыарыытыгар көрүөххэ сөп.

Ону сэргэ аахсыйа сайтыгар онлайн трансляция кэмигэр дьиэттэн суруйуохха сөп.