Балаҕан ыйын 1 күнүгэр Горнай улууһугар С.П. Данилов аатынан Бэрдьигэстээх саҥа үс этээстээх оскуолатын үөрүүлээх быһыыга-майгыга арыйдылар.
Саха сирин үрдүнэн тыа сиригэр бастакытын аныгылыы, киэҥ-куоҥ, сырдык, тупсаҕай көстүүлээх үөрэх кыһата буолар. Оттон улууска бу бэһис таас оскуола.
550 миэстэлээх үс мэндиэмэннээх оскуола иһигэр икки улахан спортивнай саала, актовай саала, библиотека, киэҥ остолобуой, аныгы үөрэх кылаастара бааллар.
Үөрүүлээх тэрээһиҥҥэ Ил Дархан Айсен Николаев, СӨ Үөрэххэ уонна наукаҕа миниистирэ Ирина Любимова уонна Горнай улууһун баһылыга Никита Андреев кытыннылар.
«Саха сирин тыатын сиригэр саамай улахан оскуола арыллыбытынан эҕэрдэлиибин! Кырдьык даҕаны бу бүгүн арыллыбыт оскуола 7 тыһ. тахса кв.м. иэннээх, 780 үөрэнээччилээх. Маннык улахан үөрэх кыһата тыа сиригэр тутулла илик этэ. Бу Владимир Путин уонна өрөспүүбүлүкэ ыытар бэлиитикэтэ сөптөөҕүн туоһулуур», — диэн Ил Дархан эттэ.
