Бэс ыйын 15 күнүгэр нэһилиэнньэлээх пууннар баһаар сезонугар бэлэмнэрин бэрэбиэркэлээһин түмүктэниэҕэ

Судаарыстыбаннай баһаарынай кэтиир уорганнар нэһилиэнньэлээх пууннар баһаар сезонугар бэлэмнэрин бэс ыйын 15 күнүгэр диэри бэрэбиэркэлиэхтэрэ.

Бу туһунан «Актуальнай интервью» биэриигэ өрөспүүбүлүкэтээҕи ыксаллаах быһыы-майгы сүрүн управлениетын пресс-сулууспатын салайааччыта Ксения Рахматулина иһитиннэрдэ.

Бэрэбиэркэ тоҕус нэһилиэнньэлээх пууҥҥа түмүктэннэ. Ксения Рахматулина өрөспүүбүлүкэҕэ баһаар сезонугар бэлэмнэнии эрдэттэн ыытылларын бэлиэтээтэ.

«Ойуур баһаардарыгар бэлэмнэнии өссө былырыын, баһаартан сэрэхтээх сезон балаҕан ыйын бүтэһигэр түмүктэниитэ саҕаламмыта», – диэн чуолкайдаата Ксения Рахматулина.

Маны таһынан, чааһынай сирдэргэ кураанах үүнээйини уонна бөҕү уматыы быраабылаларын иһитиннэрдэ.

«Хас биирдии киһиэхэ баһаартан куттал суох буолуутун ирдэбилин тутуһарга ыҥырабыт», – диэтэ.

Итини таһынан, пресс-сулууспа салайааччыта нэһилиэнньэлээх пууҥҥа уот чугаһыыр куттала үөскээтэҕинэ хайдах дьаһанар туһунан кэпсээтэ.