«Бриллианты Якутии» ансаамбыл үҥкүү Олимпиадатыгар кыайбыт

«Бриллианты Якутии» үҥкүү ансаамбыла 17-с норуоттар икки ардыларынааҕы үҥкүү олимпиадатыгар «Норуот үҥкүүтэ» хайысхаҕа кыайбыт. Ол курдук, алын бөлөххө «Күн бытархайа» үҥкүүнэн, орто бөлөх «Сайын» үҥкүүнэн, аҕа бөлөх «Кырдал кыыһа» уонна «Лондол» нүөмэринэн кыайбыттар. Иккис миэстэни аҕа бөлөх «Табалар» үҥкүүнэн уонна уолаттар бөлөхтөрө «Олоппостоох» үҥкүүнэн кыайбыттар. Ону кытта Лилиана Мигалкина уонна Айсара Троева «Дьөһөгөй» үҥкүүнэн чемпион буолбуттар. «Алгыстаах доҕордоһуу» улахан дьонун бөлөҕө «Айар Кут» уонна «Чороонноох» үҥкүүлэринэн кыайбыттар. Олимпиада муус устар 30 күнүттэн ыам ыйын 10 күнүгэр диэри Москваҕа ыытылынна. Барыта 70 ансаамбыл кытынна. Быйыл художественнай гимнастика, вышибала, джамп спорт уонна роликтаах хоккей көрүҥнэр эбиллибиттэр.