Чурапчы улууһун норуот айымньытын дьиэтэ Бүтүн Россиятааҕы куонкуруска кыайда

Чурапчы улууһун норуот айымньытын дьиэтэ «Общественное участие» анал аакка олохтоох Бүтүн Россиятааҕы бырайыактары көҕүлээһин куонкурус кыайыылааҕа буолла. Бу туһунан улуус дьаһалтатын пресс-сулууспата иһитиннэрэр.

Ол курдук, «Айылгы» норуот айымньытын дьиэтин өрөмүөнүн бырайыага бастыҥнар ахсааннарыгар киирдэ.

«Общественное участие» анал аакка сүрүн критерийинэн дьон ахсаанын көрөллөр. Өрөмүөн үлэтигэр олохтоох нэһилиэнньэттэн 2852 киһи үлэлээтэ.

Бырайыагы олоххо киллэриигэ уопсайа икки мөлүйүөн солкуобай бэрилиннэ. Олохтоох нэһилиэнньэ, урбаанньыттар эбии 275 тыһыынча солкуобайы ыыттылар, өрөспүүбүлүкэ бүддьүөтүттэн 1,5 мөлүйүөн солкуобай уонна улуус бүддьүөтүттэн 225 тыһыынча солкуойбай көрүлүннэ.

Бу куонкуруһу Россия үпкэ министиэристибэтэ тэрийэн ыытта. Кыайыылааҕы түөрт хайысханан быһаардылар: «Общественное участие», «Общественное партнерство», «Самый инновационный проект», «Проект школьного и молодежного инициативного бюджетирования».