Чурапчыга инбэлиит оҕолору инновационнай ньыманан сайыннараллар

Чурапчыга инбэлиит уонна доруобуйаларынан хааччахтаах оҕолору сайыннарыы уонна өйөбүл ресурснай киинэ Россия бэрэсидьиэнин гранын кыайан, “Планета KIP 2.1-креативные инновационные практики для детей-инвалидов и детей с ограниченными возможностями здоровья” бырайыагы олоххо киллэрэр. Оҕолор манна бэйэлэрин бырайыактарын толкуйдууллар, араас сатабылга үөрэнэллэр. Бырайыак иитинэн блогиҥҥа, үҥкүүгэ, ритмикаҕа, английскай тылыгар, мульфильм, робот оҥорорго, уруһуйдуурга араас куурустар ыытыллаллар.

Ону таһынан төрөппүттэргэ улуустааҕы семинар, «Лучше всех» куонкурус буолбут. Манна оҕолор туохха үөрэммиттэрин, оҥоһуктарын көрдөрбүттэр.

Санатан эттэххэ, чурапчытааҕы ресурснай киин өрөспүүбүлүкэтээҕи ресурснай киин резиденэ буолар. Ол көмөтүнэн, былырыын үс федеральнай граны кыайбыт.