Дьиэ-уот, сир уонна тимир көлө бас билээччилэрэ баай-дуол түһээнин төлүөхтээхтэр

Ахсынньы ыйын бастакы күнүгэр диэри дьиэ-уот, сир уонна тимир көлө бас билээччилэрэ баай-дуол түһээнин төлүөхтээхтэр. Билиҥҥитэ өрөспүүбүлүкэ почталарыгар 277 тыһыынча нолуок туһунан иһитиннэрии киирбититтэн 63 %-нын дьоҥҥо тиксэрбиттэр.

Оттон электроннай өҥөнөн туһанааччыларга нолуоктара «Нолуок төлөөччү тус бэйэтин кабинета» диэн интернет өҥөтүн нөҥүө кестер.

Элбэх оҕолоохторго оҕо ахсаанынан «намтатыы» көрүллэр. Оттон биэнсийэлээхтэр, бастакы уонна иккис группалаах инбэлииттэр биир хос, кыбартыыра, дьиэ уонна гараас нолуогуттан босхолоноллор. Биир сирдэригэр алта суотайга сир нолуога ааҕыллыбат.

Ордук биэнсийэлээхтэр чэпчэтии көрүллүбэтэх сирдэрин, ол эбэтэр иккис дьиэ иһин түһээн төлүүллэрин умналлар эбит диэн бэлиэтэнэр.