Дьокуускай аэропордугар миинэ иитиллибитин туһунан иһитиннэрии киирдэ

Сарсыарда, тохсунньу 25 күнүгэр, «Дьокуускай» аэропордун сөмөлүөттэригэр миинэ иитиллибитин туһунан биллибэт дьонтон иһитиннэрии киирдэ. Бу туһунан аэропорт пресс-сулууспата иһитиннэрэр.

«Москваҕа көтүөхтээх бары сөмөлүөттэргэ миинэ иитиллибитин туһунан биллибэт киһи иһитиннэрдэ. Миэстэтигэр исписэлиистэр бэрэбиэркэлии кэллилэр», — диэн пресс-сулууспа суруйар.

Бэрэбиэркэ түмүгүнэн, сөмөлүөттэргэ дэлби тэптэрэр бирэдимиэттэр суохтара бэлиэтэммит. Сөмөлүөттэргэ миинэ иитиллибитин туһунан иһитиннэрии сымыйа сурах буолара биллибит.

Онтон сиэттэрэн Дьокуускай — Москва рейс арыый хойутаан көттө.