«Дьокуускай — Аллараа Бэстээх» хайысхаҕа икки паром харсыспыт

НВК САХА — Өлүөнэ өрүскэ икки чааһынай паром харсыста. Саахал балаҕан ыйын 23 күнүгэр түүн Сафон арыы чугаһыгар тахсыбыт.

«Саахал түмүгэр биир паром тумса алдьаммыт, рейс тохтотуллан, массыыналары Даркылаах оройуонугар сүөкээбиттэр», – диэн СӨ Россия ыксаллаах быһыыга-майгыга министиэристибэтэ иһитиннэрэр.

Пассажирдар эчэйбэтэхтэр. Билиҥҥи туругунан паромнар иккиэн биэрэккэ бааллар. Саахал тахсыытын түмүгүнэн бэрэбиэркэ ыытыллар.