Дьокуускай аттынан өрүс устуутун быһа эпииргэ көрдөрүөхтэрэ

Өрөспүүбүлүкэ киин куоратын аттынан Өлүөнэ өрүс мууһа устарын быһа эпииргэ көрдөрүөхтэрэ. Бу туһунан Өлүөнэтэҕи уу бассейынын управлениетын пресс-сулуспата иһитиннэрэр.

«Ыам ыйын 14 күнүгэр Өлүөнэтэҕи уу бассейынын управлениетын исписэлиистэрэ Дьокуускай аттынан муус устарын быһа эпииргэ көрдөрөр сыалтан, Хаҥалас тумуһугар видеокамералары туруора тахсыахтара», — диэн иһитиннэриигэ этиллэр.

Маны таһынан, «Водоканал» оройуонугар эмиэ видеокамералары туруоруохтара.

Быһа эпиир управление сайтыгар уонна YouTube-ханаалыгар, ону тэҥэ социальнай ситим нөҥүө көстүөҕэ.

Дьокуускай аттынан Өлүөнэ өрүс мууһа эстэрэ, барыллаан, ыам ыйын 16-20 күннэригэр күүтүллэр.