Дьокуускай олохтоохторо Таалай күөлүн мууһугар уруһуйдуохтара

Уон сыл устата Россияны бүттүүнүн эҕэрдэлээбит Амурскай уобаласка олорбут оҕонньор кэриэһигэр ыытыллар аахсыйа чэрчитинэн, өрөспүүбүлүкэ киин куоратын олохтоохторо Таалай күөлүн мууһугар аккырыыкка уруһуйдуохтара.

Аҕам саастаах киһи 10 сыл устата лаппаахынан уонна сиппииринэн мууска хаарынан уруһуй түһэрэн дьону-сэргэни эҕэрдэлиир эбит. 2017 сыллаахха кини уруһуйун, оннооҕор, космос ыстаансыйатыттан хаартыскаҕа түһэрбиттэр.

Волонтердар уонна национальнай паарка үлэһиттэрэ мууска ойуулуохтара. Аахсыйаҕа баҕалаах барыта кыттыһыан сөп. Маннык хартыыналары Дьокуускайга эрэ буолбакка, Амурскай уобаласка, Новосибирскай, Омск, Оренбург, Екатеринбург уонна Москва куораттарга ахсынньы 25 күнүгэр уруһуйдуохтара.