Дьокуускай үөрэнээччилэрэ тохсунньу 23 күнүгэр диэри дьиэттэн үөрэниэхтэрэ

Дьокуускай 1-8 уонна 10 кылаас үөрэнээччилэрэ өрөспүүбүлүкэҕэ коронавирус ыарыыта элбээбитинэн тохсунньу 18-23 күннэригэр диэри дьиэттэн үөрэниэхтэрэ.

Бу туһунан куораттааҕы үөрэх управлениетын салайааччыта Алексей Семенов иһитиннэрдэ.

«Дистанционнай үөрэх болдьоҕо — сарсыҥҥаттан тохсунньу 23 күнүгэр диэри», — диэтэ кини.

Ону тэҥэ Алексей Семенов бэлиэтээбитинэн, уһуйааннар салгыы очнай көрүҥүнэн үлэлиэхтэрэ.