«Биир ньыгыл Россия» баартыйа регионнааҕы форума уопсастыбаннай кииҥҥэ 200 кэриҥэ киһини түмтэ.
Манна баартыйа өрөспүүбүлүкэтээҕи салааларын сэкирэтээрдэрэ, салайааччылара, өйөөччүлэрэ атын баартыйалар бэрэстэбиитэллэрэ уонна уопсастыбаннас кыттыыны ыллылар. Форум үлэтэ барыллаан куоластааһыҥҥа ананар.
Кулун тутар 8 күнүгэр хандьыдааттартан докумуоннары тутуу саҕаламмыта. Кулун тутар 10 күнүнээҕи туругунан маҥнайгы хандьыдааттар бэлиэтэммиттэр.
«»Биир ньыгыл Россия» баартыйа бүгүҥҥү күҥҥэ бэлиитикэҕэ саамай күүстээх. Биһиги кэккэбит дьыалатын, үлэтин сырдатар, таһаарар дьоҥҥо болҕомтолоохтук сыһыаннаһар тустаахпыт. Манна баартыйа үлэтин оннугар бэйэтин карьератыгар долгуйар дьон суохтар. Баар сорудахтары толорорго биһиэхэ саҥа күүстэр ирдэниллэллэр. Бүтэһик сылларга барыллаан куоластааһын бастыҥ хандьыааттары таларга төһүү күүс буолла», — диэн Ил Дархан, «Биир ньыгыл Россия» баартыйа Саха сиринээҕи салаатын сэкирэтээрэ Айсен Николаев эттэ.
