Дьокуускайга дьиэ подъеһа умайан 70-тан тахса киһини эвакуациялаабыттар

Киин куорат элбэх кыбартыыралаах дьиэтин подъеһа умайан, 70-тан тахса киһини баһаарынайдар эвакуациялаатылар. Бу туһунан РФ ыксаллаах быһыы-майгы министиэристибэтин Саха сиринээҕи салаатын пресс-сулууспата иһитиннэрэр.

Быһылаан муус устар 1 күнүгэр Ойуунускай аатынан уулуссаҕа турар тоҕус этээстээх дьиэҕэ таҕыста.

«Бастакы баһаарынай подразделениета кэлэригэр, аллараа этээс үһүс подъеһа буруонан бүрүллүбүт. Биэс киһи быыһанна, 72 киһи эвакуацияланна, ол иһигэр 17 оҕо», — диэн иһитиннэриигэ этиллэр.

Умайыы бойлернайтан саҕаланна, сабаҕаланар биричиинэтэ уот хамсааһыныттан. Буруйдаах быһаарыллар.

Баһаары умуруорууга 41 киһи кытынна уонна 11 тиэхиньикэ туһанылынна.