Дьокуускайга коронавирустаабыт ыарыһахтарга куойка ахсаанын элбэтиэхтэрэ

Өрөспүүбүлүкэ киин куоратыгар коронавирустаабыт ыарыһахтарга 60 куойканы арыйыахтара. Бу туһунан өрөспүүбүлүкэтээҕи суһал штаб салайааччытын солбуйааччы Ольга Балабкина брифинг кэмигэр иһитиннэрдэ.

«Ону тэҥэ Мэҥэ Хаҥаласка, Хаҥаласка уонна НЬурбаҕа куойка ахсаанын элбэттибит. Быһыын-майгыны суһал штаб хонтуруолга тутар, call-кииннэргэ этиилэри көрөбүт», — диэтэ кини.

Саха сиригэр коронавирустан утары 10431 киһи ревакцинацияны ааспытын Ольга Балабкина бэлиэтээтэ.

«Саха сиринээҕи Роспотребнадзор управлениетын быһаарыытынан кэккэ муниципальнай үөрэх тэриллиилэригэр коронавирус уонна гирипп ыарыытынан сибээстээн харантыын биллэриллибитэ. Дьокуускай үөрэнээччилэрэ кэтэхтэн үөрэниигэ көспүттэрэ. Манан сибээстээн, төрөппүттэргэ этиэхпин баҕарабын, ол да буоллар дьиэ кэргэн чилиэннэрэ бары быһыы ылыахтаах уонна оҕоҕо ОРВИ уонна гириип бэлиэлэрэ билиннэхтэринэ суһаллык бырааска көрдөрөҕүт», — диэн өрөспүүбүлүкэтээҕи суһал штаб салайааччытын солбуйааччы эттэ.