Дьокуускайга Петр Алексеев уулуссатынан оптуобус сырыыта сөргүтүлүннэ

Киин куоракка Петр Алексеев уулуссатынан 5,6,25, 35№-дээх оптуобустар сырыылара сөргүтүлүннэ. Бу туһунан куорат салалтатын пресс-сулууспата иһитиннэрдэ.

«Хапытаалынай өрөмүөн сороҕо түмүктэммитинэн 5,6,25, 35№-дээх оптуобустар урут сылдьар суолларынан айанныахтара», — диэн иһитиннэриигэ этиллэр.

Ону таһынан Красильников уулуссатынан 16№-дээх оптуобус сырыыта эмиэ сөргүтүлүннэ.