Бүгүн, балаҕан ыйын 4 күнүгэр, Дьокуускай куораттааҕы Саха политехническай лицей иһинэн Кванториум арылынна.
Бырайыак «Аныгы оскуола» федеральнай бырайыак «Үөрэҕирии» национальнай бырайыагын чэрчитинэн олоххо киирдэ.
Кванториум үөрүүлээх аһыллыытыгар СӨ Үөрэххэ уонна билимҥэ миниистирин бастакы солбуйааччыта Алевтина Аргунова, С.Н. Донской-II аатынан Үөрэҕи сайыннарар уонна идэни үрдэтэр институт дириэктэрэ Ньургун Павлов уонна Дьокуускай куорат үөрэҕин управлениетын начальнигын солбуйааччыта Мария Ли-Цай кыттыыны ыллылар.
Лицей иһинэн Кванториум «естественнонаучная направленность», «технологическая направленность: РОБО», «технологическая направленность: БИО», «хайтек», «электроэнергетика», «гео-аэро» уонна «компьютерное и презентационное оборудование» курдук хайысхаларынан үлэлиэҕэ.
