Дьокуускайга «Сделано в Якутии» бренд күннэрэ ыытыллыахтара

НВК САХА — Балҕан ыйын 21-22 күннэригэр Дьокуускай куорат Ленин болуоссатыгар «Сделано в Якутии» бренд күннэрэ ыытыллыахтара. Бу туһунан СӨ Урбаан, атыы-эргиэн уонна туризм министиэристибэтэ иһитиннэрэр.

Тэрээһин өрөспүүбүлүкэ Урбаан үлэһитин күнүн чэрчитинэн ыытыллыа. Тэрийээччилэринэн СӨ Урбаан, атыы-эргиэн уонна туризм министиэристибэтэ, «Дьыалабыай Россия» уопсастыба уонна «Сделано в Якутии» ассоциация буолаллар.

Дьокуускай олохтоохторун уонна ыалдьыттарын олохтоох оҥорон таһаарааччылар быыстапка-дьаарбанкалара, маастар-кылаастар уонна араас хабааннаах ааксыйалар күүтэллэр.