Бүгүн, балаҕан ыйын 21 күнүгэр, Норуоттар икки ардыларынааҕы устудьуон спордун күнүн уонна Саха сирин физкультурнай хамсааһынын 100 сылын чэрчитинэн устудьуоннарга аналлаах кэккэ күрэхтэһиилэр ыытыллыахтара.
Спорт тэрээһинигэр орто уонна үрдүк үөрэх кыһаларын устудьуоннара кыттыыны ылыахтара.
Ол курдук, ХИФУ КФЕН спортивнай саалатыгар баскетбол киирсиилэрэ буолуохтара, ГУК-ка бадминтоҥҥа күрэхтэһиэхтэрэ, «Сэргэлээх уоттара» култуура киинигэр саахымакка киирсиэхтэрэ.
Ону таһынан, «Юность» стадиоҥҥа чэпчэки атлетика, мас тардыһыы, футбол уонна сахалыы остуол оонньууларын күрэхтэһиилэрэ ыытыллыахтара.
Спорт тэрээһинин СӨ спорка уонна физическэй култуураҕа министиэристибэтэ, СӨ үөрэххэ уонна билимҥэ министиэристибэтэ уонна Хотугулуу-Илиҥҥи федеральнай университет тэрийэллэр. Күрэхтэһии түмүгүнэн биирдиилээн-хамаанданан бастыҥнары быһаарыахтара.
