Дьокуускайга ыам ыйын 20 күнүгэр ититиини араарыахтара

Дьокуускайга ититии кэмэ ыам ыйын 20 күнүгэр түмүктэниэҕэ. Бу туһунан дьаһалы куорат баһылыга Евгений Григорьев таһаарда.

Ол курдук, оҕо уһуйааннарыгар, административнай дьиэлэргэ бу күн, оттон оскуолаларга, поликлиникаларга, балыыһаларга уонна обсерватордарга бэс ыйын 1 күнүгэр ититиини тохтотуохтара.

Биэс күн устата халаан 8 кыраадыстан сылаас турдаҕына, эрдэ араарыахтарын сөп.