Доруобуйатыгар хааччахтаах ыччакка профессиональнай үөрэҕи ылыы өссө судургутуйуоҕа

ИРПО инклюзивнай үөрэх федеральнай методическай киинин испэсэлиистэрэ 2022 сылга Россия колледжтарыгар уонна техникумнарыгар үөрэнэр доруобуйатыгар хааччахтаах устудьуону арыаллааһыҥҥа мэктиэлээһини оҥороллор. Бу туһунан ТАСС иһитиннэрэр.

«СПО бырагырааматынан үөрэнэр инбэлииттэри психологическай арыаллааһыҥҥа методическай сүбэлэри бэлэмнииллэр. Ону тэҥэ өй-толкуй өттүнэн кэһиилээх выпускниктары үөрэтэргэ уонна кинилэргэ үлэ миэстэтин булан биэрэргэ аналлаах анал мастарыскыайдары сайыннарыыга үлэ ыытыллыаҕа», — диэн иһитиннэриигэ этиллэр.

Маннык мастарыскыайдар сүрүн үлэлэрэ доруобуйаларыгар хааччахтаах дьон идэ ылалларыгар уонна салгыы үлэ булалларыгар буолуоҕа бэлиэтэннэ.

Профориентационнай үлэ ситимин сайыннарыы, инклюзивнай үөрэх киэбин тупсарыы, үлэ миэстэтин булан биэриигэ устудьуоннары арыаллааһын былаан 55 дьаһалын иһигэр киирэр.