«Экспедиция»: ыччакка аналлаах саҥа киинэ тахсыаҕа

НВК САХА — «Экспедиция. Умнуллубат кэмнэр» диэн саҥа сахалыы киинэ тахсаары турар. «Саҥа күн» биэриигэ киинэ толорооччу продюсера Геннадий Охлопков уонна сүрүн оруолу толорбут артыыска Ольга Дорофеева ыалдьыттаатылар.

«Экспедиция» сахалыы КВН иккис киинэтэ буолар. Биһиги артыыстарбытын салгыы сайыннарар, КВН-тан кынаттанан тахсалларын туһугар маннык киинэлэргэ ылыстыбыт. Ханнык баҕарар киинэ соруктаах, биһиги киинэбит ыччат ортотугар баар сытыы боппуруоска хоруйдуур сыаллаах. Бары киинэ театрдарыгар, улуус кииннэригэр алтынньы 10 күнүттэн тахсыаҕа», — диэн кэпсиир Геннадий.

Режиссерунан киинэ уонна театр артыыһа Гаврил Менкяров үлэлээбит. Киинэҕэ СГТХА устудьуоннара сайын Кулун-атахтааҕы култуураны чинчийэ Өлүөнэ өрүс кытылынан экспедицияҕа мүччүргэннээх сырыылара көстөр. Биллэн турар, доҕордоһуу, таптал, эдэр саас — барыта манна баар.