Гиирэҕэ Бүлүү бөлөх улуустарын аһаҕас чемпионата ыытылынна

Тохсунньу 15 күнүгэр Үөһээ Бүлүүгэ «Үс хоһуун» спорт комплексыгар Бүлүү бөлөх улуустарын аһаҕас чемпионата буолла. Күрэхтэһиигэ Сунтаартан, Ньурбаттан, Бүлүүттэн, Үөһээ Бүлүүттэн уопсайа 49 спортсмен кытынна.

Күрэхтэһии 2011 сыллаахтан «Новые имена» диэн ааттанан сыл саҥатыгар тэриллэр. Быйыл Уус Алдаҥҥа буолар Саха сирин спортивнай оонньууларыгар бэлэмнэнии быһыытынан ыытылынна. Аҕыс бастыҥ ахсааныгар киирбит спортсмен манна кыттар путевканы ылар.

Күрэхтэһии түмүгүнэн эр дьоҥҥо абсолютнай чемпионунан Егор Рожин, дьахталларга Марианна Ильина ааттаннылар. Саҥа аат хаһаайынынан СӨ үтүөлээх тренерэ Николай Кардашевскай иитиллээччитэ Юрий Павлов буолла.