Хаҥалас худуоһунньуга норуоттар икки ардыларынааҕы куонкуруска ситиһиилэннэ

Ааспыт сыл ахсынньытыгар Краснодарскай кыраай Майкоп куоратыгар ыытыллыбыт «Древо – Сияние» (online) II норуоттар икки ардыларынааҕы элбэх жанрдаах куонкурус-бэстибээлгэ Хаҥалас улууһун худуоһунньуга ситиһиилээхтик кытынна. Бу туһунан улуус дьаһалтатын пресс-сулууспата иһитиннэрэр.

Бэстибээл тыһыынчаттан тахса исскустовы сэргиир оҕолору, ыччаты, улахан дьону, уһуйааччылары, култуурунай-сынньанар тэрилтэлэр исипссиэлиистэрин түмтэ.

Куонкурус аҕыс номинациянан ыытылынна: хоровой ырыа, инструментальнай музыка, искусство, киинэ, хореография, цирк искусствота, театр искусствота, оригинальнай жанр уонна хаартыска.

Ол курдук, «Изобразительное и декоративно-прикладное искусство» диэн хайысхаҕа Хаҥалас улууһуттан «Орхидея» арт-устуудьуйа чилиэнэ Валентина Раднаева кытынна. Кини бу куонкуруска түөрт үлэни бэлэмнээбит (быысыпка, живопись).

Куонкурус түмүгүнэн, Валентина көҥүл тиэмэҕэ «Дьулуруйар Ньургун Боотур» быысыпкаламмыт хартыыната 10.20 саамай үрдүк баалы ылан, Гран-при уонна куонкурус кыайыылааҕынан таҕыста. Оттон живописка «Саха сирин маҥнайгы сибэккилэрэ. Ньургуһуннар» үлэтэ лауреат бастакы истиэпэннээх лауреат буолла.