Хаҥалас улууһугар 30-ча волонтер үлэлиир

Хаҥаласка волонтердар үлэлэрин сөргүттүлэр. Баһылык Олег Иринеев тиэрдэринэн 30-ча доброволец үлэлиир. Бу туһунан улуус дьаһалтатын пресс-сулууспата иһитиннэрэр.

«Волонтердар үлэлэрин улуус дьаһалтатын ыччаты кытта үлэҕэ исписэлииһэ иилээн-саҕалаан ыытар, сайаапкалар тута волонтердарга, эбэтэр Биир кэлим диспетчер дьуһуурунай сулууспатыгар киирэллэр. Дьиэҕэ хааччахтанан олорор уонна ыалдьыбыт дьоҥҥо улахан көмө буолар», — диэтэ Олег Иринеев.

Хааччахтааһын дьаһаллара олоххо киириэхтэриттэн волонтердар бородууктаны, эми-тому дьоҥҥо тиэрдэллэр. Бастатан туран, аҕам саастаах уонна соҕотох олорор дьоҥҥо көмөлөһөллөр.

Сайаапкалары нэһилиэктэр дьаһалталарыгар, эбэтэр ЕДДС нүөмэригэр 8 411 444-10-11, 8 924 170-12-35 биэриэххэ сөп.