Хаҥалас улууһун Улахан Аан оскуолатыгар виноград үүннэрэллэр

Хаҥалас улууһун иккис Малдьаҕар орто оскуолатыгар теплицаҕа винограды үүннэрэллэр. Бу туһунан «Саха» НКИХ иһитиннэрэр.

«Биһиги оскуолабыт виноград үүннэриитинэн дьарыктаммыта балтараа сыл буолла. Виноград хайдах үүнэрин, биһиги климаппытыгар сөп түбэһэрин, оҕолорго үөрэтээри диэн олордубуппут. Оҕолор билигин «Инникигэ хардыы» научнай практическай конференцияҕа кыттаары виноград туһунан чинчийэр үлэ суруйан саҕалаатылар», — диэн агро хайысха салаатынан дириэктэри солбуйааччы Надежда Атласова эттэ.

«Красень» «Вера», «Фейзсидлис», «Кодрянка» диэн суортары олордубуттар. Хас да сыл ас кутарын иһин бу суорду талбыттар. Винограды учууталлар уонна үөрэнээччилэр көрөллөр-истэллэр, уу куталлар.

«Винограды саҥа үүннэрэн эрэр буоламмыт, билигин амсайыыга эрэ сөптөөх аһы ыллыбыт. Инники өттүгэр өссө дириҥник үөрэтэн, элбэтэр санаалаахпыт. Виноград ураты көрүүгэ-истигэ соччо наадыйбат. Ол эрээри, маннык кэккэ ньымалары билэр, тутуһар наада», — диэн Надежда Атласова кэпсээтэ.

Иккис Малдьаҕар орто оскуолата винограды таһынан помидору, оҕурсуну, клубниканы, салаты, укробу, моркуобу, сүбүөкүлэни, кабачогу, хортуоппуйу уонна хаппыыстаны үүннэрэр. Салгыы экзотическай үүнээйилэри олордор былаан турар.