ХИФУ медицинскэй институтугар саҥа куорпус тутуллуоҕа

М.К. Аммосов аатынан ХИФУ медицинскэй институтун саҥа куорпуһа тутуллуоҕа. Бу туһунан Ил Дархан Айсен Николаев социальнай ситимҥэ быһа эфиригэр эттэ.

«Быраастары бэлэмнээһин бырагырааматын кэҥэтиэххэ наада. Россия федеральнай мунньаҕын сэбиэтин бэрэссэдээтэлэ Валентина Матвиенконы кытта көрсүһүүгэ ХИФУ медицинскэй институтугар саҥа куорпуһу тутуу боппуруоһун көтөхпүппүт уонна өйөбүлү ыллыбыт», – диэтэ кини.

Мединститут 18 кафедраҕа алта исписээлинэһинэн быраастары бэлэмниир: эмтиир дьыала, педиатрия, стоматология, фармация, медико-профилактическай дьыала уонна сиэстэрэ дьыалата.