ХИФУ устудьуоннара British Petroleum хампаанньа стипендиаттара буоллулар

Хотугулуу-Илиҥҥи федеральнай үнүбэрситиэт 17 устудьуона уонна аспирана British Petroleum ньиэп уонна гаас хампаанньатын истипиэндьийэтин ыллылар. Бу туһунан үнүбэрситиэт пресс-сулууспата иһитиннэрэр.

«British Petroleum хампаанньа истипиэндьийэтэ дьоҕурдаах уонна кэлэр өттүгэр сайдыыга талаһыылаах устудьуоннарга бэриллэр», — диэн ХИФУ геолого-разведочнай факультетын бэһис кууруһун устудьуона Дмитрий Вершинин бэлиэтээтэ.

«Стипендиаттары икки түһүмэхтэн турар таҥыы түмүгүнэн талаллар. Сорунааччы сайаапканы толорон ыытар. Маҥнайгы түһүмэҕи ааспыт устудьуоннар хампаанньа бэрэстэбиитэлин кытары кэпсэтиини ааһаллар, ол кэннэ түмүк түһүмэх испииһэгэ тахсар», — диэн кэпсээтэ.

Сүүмэрдээһиҥҥэ геолого-разведочнай факультет, математика уонна информатика, айылҕа үөрэҕин, финансово-экономическай уонна физико-техническэй институттар устудьуоннара уонна аспираннара кытыннылар.

ХИФУ — стипендиальнай бырагыраамаҕа кыттыбыт соҕотох үнүбэрситиэт диэн бэлиэтэнэр.

Устудьуоннар быйылгы үөрэх дьылын устата истипиэндьийэ ылыахтара диэн  British Petroleum хампаанньа исписэлиистэрэ биллэрдилэр. Бырагыраама кэлэр сылларга үлэтин салгыа.