Хоккейга Саха сирин сүүмэрдэммит хамаандата Казань турнирыгар иккис буолла

Хоккейга өрөспүүбүлүкэ сүүмэрдэммит хамаандата Казань куорат турнирыгар үрүҥ көмүс мэтээли ылла.

Быһаарыылаах түһүмэххэ эдэр хоккеистар Екатеринбург куорат «Северсталь» кулуубун 2:1 ахсаанынан кыайдылар. Финальнай сирена тыаһыа балтараа мүнүүтэ иһигэр Артур Вебери гол киллэрдэ.

Күрэхтэһиигэ Свердловскай уонна Вологодскай уобаластартан, Татарстантан, Башкирияттан уонна Саха сириттэн аҕыс хамаанда кытынна.

Саха сирин хамаандатын састаабыгар Дьокуускай уонна Нерюнгри оонньооччулара киирдилэр. Эдэр спортсменнары Денис Чудинов уонна Александр Чернокнижнай эрчийэллэр.