Ил Дархан баһаары умуруоруу систиэмэтин уларытарга соруйда

Ил Дархан Айсен Николаев бэс ыйын 22 күнүгэр буолбут мунньахха баһаары умуруоруу үлэтин астымматын биллэрдэ. Кини этэринэн, саҥа үөскүүр ойуур баһаарын суһаллык дьаһайыахха наада.

«Хас да сүүһүнэн гектар буоларын күүтэн баран умуруоруу ресурсаны, кыаҕы, үбү-харчыны сиир, уот өссө тарҕанан барар. +35 кыраадыс сылаас буолан, Саха сиригэр суһал быһыы-майгы режимэ олохтонуоҕа», — диэбит Айсен Николаев.

Билигин 5-с кылаастаах баһаарынай режим Мирнэйгэ, Сунтаарга, Хаҥаласка, Томпоҕо, Дьокуускайга биллэриллэн турар. Төрдүс кылаастаах баһаарынай режим Үөһээ Бүлүүгэ, Бүлүүгэ, Горнайга, Намҥа, Ньурбаҕа, Өймөкөөҥҥө баар. Өҥүрүк куйаас күннэр өссө бэс ыйын бүтүөр диэри туруохтара.