Итирик туруктаах эр киһи бырабыыталыстыба дьиэтин көбүөрдэрин уоттаата

Киин куорат бырабыыталыстыбатын 1-кы уонна 2-с дьиэтин киириитигэр баар көбүөрдэри итирик туруктаах эр киһи уоттаата. Бу туһунан СӨ бырабыыталыстыбатын уонна баһылыгын дьаһалтатын пресс-сулууспата иһитиннэрэр.

Быһылаан бүгүн, тохсунньу 6 күнүгэр, сарсыарда 04:00 чааска буолбутун туһунан СӨ «Эксплуатационнай-техническэй көрүү сулууспатын» дириэктэрэ Дмитрий Семенов иһитиннэрдэ.

Ис дьыала министиэристибэтин үлэһиттэрэ уорбаланааччыны быһаардылар.

«Дьаһалта дьиэлэрин харабыллыыр тэрилтэ үлэһиттэригэр бэрэбиэркэни көҕүлээтилэр», — диэн иһитиннэриигэ этиллэр.