Өймөкөөҥҥө сүппүт бөртөлүөтү көрдүүр үлэ тохтотулунна

НВК САХА — Өймөкөөн улууһугар сүппүт «Eurocopter» бөртөлүөт көрдөөһүнэ, хомойуох иһин, түмүгэ суох тохтотулунна. Бу туһунан «Полярные авиалинии» авиахампаанньа пресс-сулуспата иһитиннэрэр.

Санатар буоллахха, «Маяк» ХЭТ артыалын бөртөлүөтэ балаҕан ыйын 13 күнүгэр Уус Ньараттан көтөн тахсан баран, балаҕан ыйын 14 күнүгэр төннөн кэлиэхтээх эбит. Бөртөлүөккэ биир пилот уонна артыал икки үлэһитэ баара биллэр. Көрдүүр үлэ ыытыллыытын хаар уонна туман уустугурдар.

Көрдүүр үлэҕэ чааһынай бөртөлүөттэр уонна «Полярные авиалинии» авиахампаанньа МИ-8 бөртөлүөтэ кытыннылар.