«Үҥкүүлээ» бырайыак түмүк түһүмэҕин көтүппэккэ көрүҥ

Бүгүн ахсынньы 7 күнүгэр киэһээ 19.00 чаастан «Үҥкүүлээ» бырайыак түмүк түһүмэҕэ НВК «Саха» ханаалга уонна nvk-online.ru сайтка быһа эфирга көстүөҕэ.

Икки ый устата «Үҥкүүлээ» бырайыакка кыттар дьоммут-сэргэбит туһугар ыалдьан, сыаналаан, балай да өр кэтээн көрдүбүт. Ханнык ансаамбыл бастыҥтан бастыҥ үрдүк аатын ылан, кыайыы өрөгөйүн билэн, өттүк харалаах, илии тутуурдаах барарын көтүппэккэ көрүҥ!

Өрөспүүбүлүкэ бары улуустарыттан 100-кэ сайаапка киирбититтэн, Дьокуускай, Бүлүү, Үөһээ Бүлүү, Горнай, Мэҥэ Хаҥалас, Нам, Таатта, Уус Алдан уонна Хаҥалас улуустарыттан барыта 42 ансаамбыл талыллан кыттыыны ылла.

Түмүк түһүмэххэ алта ансаамбыл киирдэ:
1. «Дайыы» (Кыргыдай, Бүлүү) салайааччы Елизавета Наумова. Куоластыыр нүөмэргит 1;
2. «Мичилий» (Салбаҥ, Нам) салайааччы Мария Протопопова. Куоластыыр нүөмэргит 2;
3. «Далбар» (Арыылаах, Бүлүү) салайааччы Анна Чиркова. Куоластыыр нүөмэргит 3;
4. «Созвездие» (Дьокуускай) салайааччы Галина Баишева. Куоластыыр нүөмэргит 4;
5. «Ситим» (Төҥүлү, Мэҥэ Хаҥалас) салайааччы Александра Баишева. Куоластыыр нүөмэргит 5;
6. «Вдохновение» (Дьокуускай) салайааччы Эльза Посельская. Куоластыыр нүөмэргит 6;

Дьүүллүүр сүбэ уонна идэтийбит үҥкүүһүттэр үрдүк сыанабылларын ылбыт ансаамбыл «Үҥкүүлээ» бырайыак кыайыылааҕынан биллэриллиэ уонна 100 000 солкуобай харчынан наҕараадаланыаҕа. Оттон куоластааһын түмүгүнэн бастаабыт ансаамбыл «Көрөөччү биһирэбилэ» анал аат хаһаайына буолуоҕа.

Маныаха санатабыт: 5522 кылгас нүөмэргэ СУЛУС_ уонна сөбүлээбит ансаамбылгыт аатын суруйаҕыт. Куоластааһын ансаамбыл үҥкүүлүү эрэ сылдьар кэмнэригэр ааҕыллар, онон көтүппэккэ көрөн олоруҥ. Смс 14 солкуобай.

42 кыттааччы, 10 эфир, 1200 мүнүүтэ долгуйуу. Бүгүн талыллан тахсыбыт алта ансаамбылтан саамай бастыҥынан ким ааттанарын бэрт сотору кэминэн билиэхпит!