Саха телевидениетигэр «Үҥкүүлээ» бырайыак саҕаланна. Бу бырайыакка бэйэлэрин эйгэлэригэр биллэр-көстөр дьон үҥкүүгэ уһуйааччылары кытта паараларга арахсан күрэстэһэллэр.
Ол курдук, пааралары билиһиннэрдэххэ: үүнэр көлүөнэ тыйаатырын артыыһа Спартак Ларионов уонна «Yakutian dance center» устуудьуйа уһуйааччыта Ирена Никитина, эстрада тыйаатырын артыыһа Эрчим уонна Арктикатааҕы култуура уонна искусство үнүстүүтүн устудьуона, бу үнүстүүт степ-аэробикаҕа тренерэ Наталья Томская, ИДьМ суолга-иискэ сэрэхтээх буолуу судаарыстыбаннай иниспиэксийэ салалтатын старшай лейтенана Анна Жегусова уонна «ПоПарам» кулууп тренерэ Василий Старостин, өрөспүүбүлүкэтээҕи клиническэй балыыһа исписэлииһэ Ефрем Иванов уонна Намнааҕы оҕо искусствотын оскуолатын уһуйааччыта, хореограба Анастасия Сивцева, «Манчаары оонньууларын» чөмпүйүөнэ Кай Адамов уонна Арктикатааҕы култуура уонна искусство судаарыстыбаннай үнүстүүтүн устудьуона, хореограф Евгения Тимкина, урбаанньыт, бодибилдер Гаврил Винокуров уонна хореограф, Жатайдааҕы оҕо спортивнай оскуолатын уһуйааччыта Виталина Брылякова, эстрада судаарыстыбаннай тыйаатырын артыыһа Люси уонна «Sunrise» устуудьуйа тренерэ Юрий Алексеев, сахалыы сериал артыыһа Венера Иннокентьева уонна «Эрэл» үҥкүү национальнай тыйаатырын артыыһа Руслан Новиков, «Саха» НКИХ ыытааччыта Карина Семёнова уонна С. Зверев-Кыыл уолун аатынан үҥкүү национальнай тыйаатырын артыыһа Эдуард Жирков кытталлар.
Ааспыт субуотаҕа быһа эфиргэ 9 паараны кытта билсибит буоллахпытына, бу сырыыга күрэс быһыытынан биир паара бырайыактан туоруоҕа. Дьүүллүүр сүбэ састаабыгар киирэн кыттааччылар үүнэн-сайдан иһэллэрин биэрии ахсын Россия үтүөлээх артыыһа Дмитрий Артемьев, СӨ үтүөлээх артыыһа Изабелла Егорова сыаналыахтара, оттон үһүс киһи саҥа тыыны киллэрэн биэрииттэн биэриигэ уларыйан иһиэҕэ.
Бу субуотаҕа буолар быһа эфиргэ көрөөччүлэр хас биирдии паараҕа көмө буолуохтарын сөп. Ол курдук, сөбүлүүр паараҕытыгар үҥкүү кэмигэр куоластыаххытын сөп. Хас биирдии киирбит куолас биэрии түмүгэр быһаарыылаах буолуоҕа.
Сэтинньи 20 күнүгэр 19:00 чаастан Саха телевидениетигэр биһигинниин «Үҥкүүлээ»!
