«Туймааданефтегаз» тэрилтэ саҥа сүдү гаас хостуур сири Өлүөхүмэ улууһугар булла. Гаастаах сири Мухта лиссиэнсийэлэммит учаастагар сири хаһыы түмүгэр булбуттар. Манна баар хостонор гаас саппааһа быһа холоон 35 865 мөлүйүөн кубическай миэтэрэ диэн сыаналанар.
«Биһиги Сахабыт Сирэ энергиэтикэҕэ Хотугулуу Илиҥҥи региоҥҥа биир бастыҥ бэйэмтэ буоларын ситиһэргэ кыһаллабыт. Бу булумньу инникитин гааһы хостооһун уопсай кээмэйэ хас да төгүл үрдүүрүгэр сабыдыаллыахтаах. Үчүгэйэ диэн булуллубут сир «Сила Сибири» газ ситимин, ВСТО ньиэп ситимин кытта чугастыы сытара буолар. Иннэ гынан бу учаастак уонна тэрилтэ сайдыытыгар төһүү күүһү, улахан кыаҕы биэрэр» – диэн Саха Сирин бырамыысаланнаска уонна геологияҕа министиэристибэтин миниистирин солбуйааччы Михаил Кириллин быһааран кэпсээтэ.
2022 сыл түмүгүнэн Саха Сирэ бырамыысаланнас сайдыытыгар Россия үрдүнэн уон чулуу регионнар ахсааннарыгар киирбитэ. Гааһы хостооһун уопсайа 17 миллиард кубическай миэтэрэ буолбут, бу былырыыҥҥыга тэҥнээтэххэ 24% — нан үрдүк көрдөрүү буолар.
