Маҕан чугаһыгар этиҥтэн үөскээбит баһаары умуруораллар

Маҕан сэлиэнньэтиттэн аҕыс килэмиэтир чугаһыгар этиҥнээх ардах кэмигэр маска уот түһэн ойуур баһаара үөскээтэ.

ГАУ «Якутлесресурс» генеральный дириэктэрэ Джулустан Хон иһитиннэрбитинэн, бэс ыйын 21 күнүгэр сарсыардааҥҥы көтүү кэмигэр баһаары булбуттар.

«Онно түүннэри „Якутлесресурс“ уон үлэһиттэрэ суһаллык ыытыллыбыттара, кинилэр баһаар буолбут сиригэр күрдьэҕинэн күүскэ үлэлээбиттэрэ», — диэтэ кини.

Баһаар буолбут сиригэр тыраахтар үлэлээтэ. Бүгүн эбиэт кэнниттэн утары уоту ыыттылар.

«Билигин баһаар бохсулунна, кытыы сирдэри кэрийэн көрүү, кырыытын умуруоруу үлэтэ ыытыллар. Сарсын баһаар тохтуоҕа диэн эрэнэбин», — диэн эбэн эттэ Дьулустан Хон.