Сэтинньи 18 күнүгэр Мэҥэ Хаҥалас улууһун Майа сэлиэнньэтигэр үтүө үгэс буолбут улуустааҕы Идэһэ бырааһынньыгар дьон-сэргэ тоҕуоруһа муһунна. Бу туһунан улуус дьаһалтатын телеграма иһитиннэрэр.
Ол курдук, атыыга сибиэһэй эт-үүт, үрүҥ ис, муҥха балыга, куурусса, индюк этэ, оҕуруот аһыттан кэнсиэрбэлэр, отон арааһыттан барыанньалар, бэйэ мүөтэ уонна онтон да араас бородууксуйаны аҕалан туруордулар. Олохтоохтор кыстыыр астарын, бэйэ аһын үөрэ-көтө, хото атыыластылар.
