«Мамонтенок-2019» аан дойдутааҕы цирк искусствотын бэстибээлэ түмүктэннэ

Дьокуускайга үгэс буолбут «Мамонтенок» аан дойдутааҕы цирк искусствотын бэстибээлэ түмүктэннэ. Икки күн устата Саха циркэтигэр Армения, Вьетнам, Израиль, Казахстан, онтон да атын дойдуттан эдэр артыыстар бастыҥ нүөмэрдэрин көрдөрдүлэр.

Бэстибээл кыайыылаахтарын түмүктүүр кэнсиэрэ алтынньы 9-13 күннэригэр Саха циркэтигэр ыытыллыа.

«Бэстибээл таһыма сылын ахсын үрдээн иһэр. Быйыл Дьокуускайга араас дойдулартан 80 кытааччы кэллэ», — диэн цирк дириэктэрэ Сергей Расторгуев кэпсээтэ.

Бэстибээлгэ эдэр артыыстар, ону тэҥэ Израильтан, Монголияттан, Казахстантан, Белоруссияттан, Вьетнамтан, Колумбияттан, Арменияттан, Венгрияттан, Татарстантан, Бурятияттан, Москваттан, Челябинскайтан, Перьмтан уонна Краснодартан сылдьар ыалдьыттар кытыннылар.

Быйылгы тэрээһин «Бриллиантовай цирк» төрүттэммитэ 25 сылыгар ананар. Дьокуускайга билигин цирк дьиэтин иккис уочаратын тутуу болҕомто киинигэр турар.