Манчаары башнятын чөлүгэр түһэриигэ ирдэнэр үп толору хомулунна

«Манчаары башнята. XXI үйэ» федеральнай суолталаах пааматынньыгы чөлүгэр түһэриигэ ирдэнэр үп толору хомулунна. Бу туһунан СӨ баһылыгын уонна бырабыыталыстыбатын дьаһалтатын пресс-сулууспата иһитиннэрэр.

«Саха» НКИХ ханаалга ыытыллыбыт телемарафон түмүгэр балтараа чаас иһигэр 1 229 000 солкуобай хомулунна. Саамай улахан спонсордарынан буоллулар: «Уран» дизайн-студия — 200 000 солкуобай, Мэҥэ Хаҥалас улуустааҕы дьаһалтата — 100 000 солкуобай, «ОСК Строй – Индустрия» ХЭУо — 50 000 солкуобай, «ХОТ» ХЭУо бырайыактыыр фирма — 50 000 солкуобай, «Талакан» хампаанньалар бөлөхтөрө — 50 000 солкуобай уонна «Түмэн» ХЭУо — 45 700 солкуобай.

Телемарафон түмүктэммитин кэнниттэн үп салгыы киирэ турбута. Ол курдук, муус устар 28 күнүгэр «Саха сирин тимир суоллара» хампаанньа 1 300 000 солкуобайы ыыппыта.

Вице-премьер Сергей Местников бэлиэтээбитинэн эбийиэги чөлүгэр түһэриигэ ирдэнэр үп толору хомулунна. Аныгыскы түһүмэҕинэн «Фонд Манчаары» уонна бэдэрээччит тэрилтэни кытта дуогабар түһэрсиитэ буолар.

Үлэ бэс ыйыгар саҕаланыаҕа. Эбийиэги үлэҕэ киллэрии алтынньы 1 күнүгэр былааннанар. «Манчаары башнята, XIX үйэ» федеральнай суолталаах пааматынньык кэлин дьон-сэргэ сылдьар уонна быыстапкалары ыытар сир буолуоҕа.