Мэҥэ Хаҥаласка хааччахтыыр миэрэ күүһүрүөҕэ

Мэҥэ Хаҥаласка коронавируһу тарҕаппат туһугар хааччахтыыр миэрэ күүһүрүөҕэ. Бу туһунан суһал штаб салайааччытын солбуйааччы Ольга Балабкина брифинигэр эттэ. Ол курдук, оройуоҥҥа ааспыт сууккаҕа 19 киһи коронавирустаабыт. Ыам ыйын 6 күнүттэн нэһилиэктэргэ айан, маассабай тэрээһиннэр, ол иһигэр аймаҕынан бырааһынньыктар бобулуннулар.

Ону таһынан аармыйаҕа ыҥырыы уонна оскуолаларга түмүктүүр эксээмэннэр эмиэ хааччахтаах ыытыллыахтара. Суһал штаб Өлөөн уонна Уус Алдан улуустарыгар балаһыанньаны эмиэ күүскэ кэтиир.

Санатан эттэххэ, ааспыт сууккаҕа Саха сиригэр 106 киһи коронавирустаабыт.