Мэҥэ Хаҥаласка коронавируһунан хааччахтааһын күүһүрдэ

Эпидемиологическай балаһыанньа ыараабытынан сибээстээн, Мэҥэ Хаҥалас улууһугар хааччахтааһын миэрэлэрэ күүһүрдүлэр. Бу туһунан СӨ бырабыыталыстыбатын уонна баһылыгын дьаһалтатын пресс-сулууспата иһитиннэрэр.

Ааспыт сууккаҕа 13 киһи эбии ыалдьыбыта бигэргэннэ. Ыалдьыы сүрүннээн дьиэ кэргэҥҥэ сыстыһыыттан тахсар.

Ыалдьыы көрдөрүүтүн үрдээһинэ нэһилиэнньэ сэрэҕэ суох буолуута, мааска кэтии, тэйиччи сылдьыы эрэһиимин кэһии.

Эпидемиологическай балаһыанньа оннугар түһүөҕэр диэри Мэҥэ Хаҥаласка нэһилиэнньэлээх пууннартан тахсыы, бары маассабай, ол иһигэр дьиэ кэргэнинэн тэрээһиннэри ыытыы бобуллар.

Маны таһынан, аптекаларга эминэн хааччыллыы, уопсастыбаннай сирдэргэ санитарнай обработкалары ыытыы уонна дезинфекциялааһын, таксомоторнай сулууспалар сэрэтэр дьаһаллары тутуһууларын хонтуруола күүһүрүөҕэ.

Хонтуруоллуур тэрээһиннэргэ уопсастыбаннай аһылык, суол кытыытынааҕы чэйдэтэр, атыы-эргиэн тэрилтэлэрэ эмиэ хабыллыахтара.

Санитарнай-эпидемиологическай балаһыанньанан сааскы аармыйаҕа ыҥырыы хампаанньатын уонна үөрэх тэрилтэлэригэр түмүктүүр аттестацияны тэрийиигэ эбии дьаһаллары ылыахтара.